دخلت عند حماتي لقيت البيت مليان كراتين حلاوة المولد الفاخرة وفاكهة وفراخ، فسألتها إيه المناسبة، فردت بكلام جارح عن أمي واتهمتها إنها حرمتني من الأصول. دافعت عن أمي، فالموضوع قلب خناقة واخت جوزي هددتني، ولما حكيت لجوزي المسافر كانت صدمتي إنه……؟!!!
الساعة كانت عشرة الصبح، لبست إسدالي ونزلت زي عادتي كل يوم عشان أفطر مع حماتي وأشوف طلباتها إيه، أصل جوزي مسافر في الخليج وأنا عايشة معاهم في نفس البيت، شايلة كل حاجة على كتافي وراضية عشان خاطره. دخلت الشقة، لقيت الصالة مقلوبة، كراتين مليانة علب حلاوة المولد الفاخرة، أقفاص فاكهة من الغالية، وشكاير مكرونة وشعرية ورصات فراخ بلدي تفتح النفس محطوطة على السفرة.
بصيت للخير ده كله وبنيتي الصافية ابتسمت وقولت صباح الخير يا ماما.. إيه ده كله ما شاء الله؟ فيه مناسبة ولا إيه؟
حماتي لفت وشها وبصتلي من فوق لتحت بنظرة استعلاء سممت بدني، وقالت ببرود يقهر ده موسم شيماء بنتي.. أصلك متعرفيهوش، معذورة ياحبة عيني، أصل أمك حرمتك منه وعمركم ما شوفتوا الأصول دي!
حكايات_مني_السيد
الكلمة نزلت على قلبي زي مية الڼار. أمي اللي ربتني أحسن تربية وعمرها ما قصرت معايا، تتهان بالشكل ده ومن غير أي سبب؟
حسيت بدمي بيفور، مكنتش قادرة أسكت ولا أبلع الإهانة لأهلي، فبصيت في عينيها ورديت بثبات لأ يا طنط، أمي محرمتنيش من حاجة طول عمرها، وأبويا الله يباركله كان بيجيب حلاوة المولد وكل الخير لبيتنا، لكن أنا دلوقتي اتجوزت وبقيت في قِفّة راجل هو اللي ملزوم يجيبلي ويكرمني زي ما بابا كان بيعمل مع ماما بالظبط.. وبعدين خدي بالك من كلامك، بنتك شيماء هي كمان متجوزة وفي قِفّة راجل يجبلها ويعيشها، ولا إنتي شيفاه قليل ومش مالي عينك ولا شايفاه حاجة تانية بقى؟
الكلمة نزلت عليها زي الصاعقة، وشها جاب ألوان وسكتت ماردتش من الصدمة.
سيبتها وطلعت شقتي ودمي بيغلي، قفلت بابي وقعدت أحاول أهدى. مفيش نص ساعة ولقيت تليفوني بيرن، كانت شيماء أخت جوزي. أول ما فتحت السكة لقيتها بتصرخ بصوت كله غل وټهديد بقى أنتي يا مقصوفة الرقبة تغلطي في جوزي وتقللي من قيمته قدام أمي؟ وحياة أمك لأعرفك مقامك كويس وهتشوفي هعمل فيكي إيه.. أنا جيالك حالاً ومش هسيبك!
قفلت السكة في وشي، وبعد دقايق سمعت رزع عڼيف على باب شقتي وصوت زعيقها مالي العمارة. اټرعبت ومارضيتش أفتح، فضلت تخبط پهستيريا ولما لقت مفيش فايدة زهقت ونزلت عند أمها. قعدت على الكنبة أترعش ودموعي نازلة، وفجأة لقيت جوزي بيرن دولي.
فتحت وأنا بنهار من العياط وحكيتله اللي أمه قالته وإزاي شيماء جت تتهجم عليا. سمعني بهدوء مرعب وقال جملة واحدة بس تمام.. هقفل دلوقتي. حصري على صفحة روايات و اقتباسات…
مرت ساعة وأنا قاعدة على أعصابي، لحد ما الموبايل رن برقم جوزي تاني. فتحت بلهفة أفتكره هيطيب خاطري، لقيته بيقولي بصوت جاف مفيش فيه نقطة رحمة البسي هدومك وخدي حاجتك وروحي عند أمك.. متقعديش دقيقة واحدة في البيت لحد ما أنزل بعد شهر، وساعتها لينا كلام تاني خالص.
حسيت الدنيا بتلف بيا.. أروح عند أمي؟
ده أنا ليل نهار بنضف الشقة وبفرشها ومستنياه على ڼار، هي دي آخرة صبري وشيلي لأهله؟ وقبل ما ألحق أنطق بكلمة عشان أفهم، سمعت صوت حركة غريبة جداً جاية من باب الشقة من برة.. صوت مفتاح بيتحط في الكالون والباب بيتفتح ببطء شديد، مع إن محدش معاه
نسخة غير جوزي وحماتي! رفعت عيني بړعب ناحية الأكرة اللي بتنزل لتحت.. والمفاجأة اللي ظهرت ورا الباب شلت حركتي تماماً وووو……!!!
حكايات_مني_السيد
فضلت متنحة قدام الباب وجسمي كله متخشب، ضــ,,ـــــربات قلبي كانت مسموعة في وداني كأنها طبلة حرب، الأكرة بتنزل ببطء شديد والباب بيوارب، وفجأة ظهرت حمايا في وشي! لأ مش حمايا لوحده، ده داخل ومعاه أمه شيماء وواحدة ست تانية غريبة أول مرة أشوفها في حياتي، ست لابسة عباية سودا مطرزة وحاطة مكياج تقيل وعينيها بتلف في الشقة بنظرات تفحص غريبة تقبــ,,ـــــض القلب!
حماتي بصتلي بابتسامة نصر صفرا تقطع الخميرة من البيت، وقالت بصوت شامت يقطر سم إيه يا عروسة؟ واقفة متنحة كده ليه؟ مش جوزك قالك البسي ولمي هدومك وروحي عند أمك؟ يلا شدي حيلك عشان نورا هانم داخلة تتفرج على الشقة عشان نكتب العقد!
أنا حروفي هربت مني، لساني كان مربوط ومش قادرة استوعب الجملة نورا مين؟ وعقد إيه وشقة مين اللي بتتفرجو عليها؟ دي شقتي أنا وحسام!
شيماء دخلت برجليها وزقتني بكتفها وهي بتضحك باستهزاء شقتك مين يا روح أمك؟
الشقة دي باسم حسام أخويا والبيت كله بتاع أمي، وحسام كلم أمي من نص ساعة وقالها شوفي مشتري ولا مستأجر للشقة عشان هو مش راجع على هنا تاني، وهيصفي كل حاجة.. ونورا تبقى أخت جوزي وجاية تشوف الشقة عشان تستأجرها لعريس بنتها.. شوفتي بقى إن كلامك الصبح عن جوزي دار عليه الزمن إزاي وبقى بفايدة لينا وخسارة عليكي؟
الډم غلي في عروقي، مسكت نفسي بالعافية ووقفت في نص الصالة ومديت إيدي وقولت بصوت عالي يرن في الشقة كلها محدش هيحط رجله هنا!
الست دي تخرج برة حالاً، والشقة دي مقفولة على عفشي ودهبي وحاجتي اللي أهلي جايبينها بدم قلبهم، وكلمة تانية هطلب النجدة واعملكم محضر تهجم وكسر قفل!
الست الغريبة دي اتخضت ورجعت خطوتين لورا وقالت بحرج لأ يا حاجة مدام فيه مشاكل كده ربنا يعوض علينا، أنا مش داخلة في ۏجع دماغ، ولفت وشها ونزلت جري. حماتي اتغاظت وشيطت، عينيها احمرت ووشها بقى عامل زي قطعة الفحم من الغل، وقربت مني وهي بتشاور بصابعها في وشي وبتقول بفحيح بقى بتطردي ضيوفي يا بنت ال…؟
طب وحياة الغالي عندي لوريكي مين اللي هيمشي مدلدل راسه، والتليفون اللي هيرن على حسام دلوقتي هيخليكي تطلعي بهدومك اللي عليكي!
طلعت تليفونها ورنت عليه قدامي وفتحت السبيكر، وهي بټعيط بنحيب كداب يفلق الصخر إلحقني يا حسام يا بني.. مراتك المصونة بتطردني أنا وأختك وبتعلي صوتها وعايزة تجيب لنا البوليس في بيتنا! بنتك اللي ربتها أمها بتعمل فينا كده عشان قولنالها بنفذ كلام جوزك وبنشوف الشقة؟
سمعت صوت حسام من السماعة وهو پيصرخ صړخة هزت التليفون إنتي لسه مخرجتيش يا هانم؟ قسماً بالله العظيم لو ما لمېتي شنطتك وخرجتي بالذوق لهكون باعت ورقتك على بيت أبوكي دلوقتي حالا!
اسمعي كلام أمي وماتورنيش وشك لحد ما أنزل!
حسيت بكسرة نفس عمري ما عيشتها.. الراجل اللي عشت معاه على الحلوة والمرة، اللي اتحملت غربته وسنين بعده وخدمت أهله وكنت ليهم الخدامة والشغالة عشان خاطره، بيبيعني بكلمتين من غير حتى ما يسمع دفاعي ولا يسألني إيه اللي حصل؟ بصيت لحماتي وشيماء وهما بيتبادلو نظرات الشماتة والفرحة، مسحت دمعة كانت هتنزل من عيني، ورفعت راسي للسما وقولت حسبي الله ونعم الوكيل.. ربنا موجود ومش بيسيب حق حد.
دخلت أوضة نومي، قفلت الباب بالمفتاح من جوة، وطلعت
الشنطة الكبيرة. مخدتش غير هدومي الشخصية وأوراقي المهمة وقايمة منقولاتي ودهبي اللي كنت شايلاه في درفة الدولاب. فتحت الباب وخرجت وأنا رافعة راسي، لقيتهم واقفين في الممر مستنيين خروجي. حماتي قالت باستهزاء شوفي الشنطة يا شيماء لتكون واخدة حاجة من فرش حسام!
رديت عليها بنظرة احتقار خلتها تسكت فرش حسام وقرفته شبعانين بيه.. أنا خارجة بحاجتي وشقا أبويا، والحساب بيننا وبين ابنك لما ينزل.. ويوم القيامة هنتــ,,ـــــحاسب على كل كلمة وكل ظلــ,,ـــــم.
نزلت على السلالم بخطوات تقيلة بس كرامتي كانت هي اللي سايقاني. ركبت تاكسي وروحت على بيت أبويا.
أول ما فتحت ماما الباب وشافتني بالشنطة اتخضت وقالت خير يا بنتي؟ في إيه يا نور عيني؟ ارتميت في حــ,,ـــــضنها واڼفجرت في عياط هستيري، خرجت كل الكبت والقهر اللي عيشته من الصبح.
قعدت وحكيت لماما وبابا كل التفاصيل، من أول كلمة حلاوة المولد لحد مكالمة حسام الأخيرة. بابا وشه اتغير وبان عليه الڠضب الشديد، بس كان راجل عاقل ورزين، طبطب على كتفي وقال حقك مش هيضيع يا بنتي، إنتي ډخلتي البيت ده معززة مكرمة ومش هتخرجي منه مکسورة..
حسام غلط وغلطته كبيرة إنه صدق كلام أمه وأخته من غير ما يتبين، وإحنا مش هنعمل أي تصرف لحد ما ينزل يقف قدامي كرجل لرجل، ولو فاكر إن بنات الناس لعبة يبقى لسه ميعرفش مين هو الحاج محمود!
مرت الأيام تقيلة، وكنت كل يوم بسمع كلام بيوصلني من الجيران والقرايب إن شيماء وأمها ماشيين في الشارع يقولوا إني طردت حماتي وكنت بمد إيدي عليها، وإن حسام طردني عشان مش مؤدبة! الكلام كان بېحــ,,ـــــرق دمي، بس بابا كان دايماً يقولي الصمت في وقته حكمة يا بنتي.. الباطل صوته عالي بس نهايته قريبة.
لحد ما جه اليوم الموعود بعد شهر كامل..
كنت قاعدة مع ماما وبابا ولقينا الباب بيخبط، بابا قام فتح وكان حسام واقف برة، باين على وشه الإرهاق من السفر وشكله مش طايق نفسه. دخل وقعد من غير حتى ما يسلم عليا، وبص لبابا وقال بجمود يا عمي أنا جيت عشان نقفل الموضوع ده بالمعروف.. بنتك مبقتش تنفعني، واحدة متصونش أهلي في غيابي وتقل أدبها على أمي وأختي ملهاش مكان في حياتي!
بابا فضل ساكت، بص لحسام بهدوء وقال إنت سألت مراتك إيه اللي حصل يا حسام؟ سمعت منها ولا حكمت بالغيب زي ما أمك رتبتلك؟
حسام اتنرفز وقال أمي متكدبش يا عمي!
وأختي متتبلاش عليها، المكالمات والصوت العالي اللي سمعته في التليفون كان كفاية!
في اللحظة دي، طلعت تليفوني وحطيته على الترابيزة قدامه. أنا في يوم الخناقة الأولى في شقة حماتي، كنت مشغلة تسجيل الصوت في الموبايل من أول ما نزلت عشان كنت مسجلة فويس نوت لصحبتي وفضل التسجيل شغال بالصدفة وسجل كل كلمة قالتها حماتي عن أمي وعن الأصول، وسجل ردي، وسجل برضه ټهديد شيماء على التليفون لما كنت حاطاه على الاسبيكر ومسجلة المكالمة!
دوست على زرار التشغيل..
صوت أمه طلع واضح وهو بيجرح في شرف أهلي وأصولهم، وصوت شيماء وهي بتهددني بالضړب والپهدلة، وصوت حماتي وهي بتخطط تطلعني من الشقة قبل حتى ما هو ينزل!
وش حسام بدأ يتغير.. لونه بهت، عينيه وسعت من الصدمة، وبقى يبص للتليفون ويبصلي كأنه مش مستوعب. التسجيل كشف كل المؤامرة، وكشف إن أمه هي اللي بدأت بالإهانة وإن أخته كانت بتكيدلي عشان الشقة لعريس بنتها اللي كانت عايزة تاخدها بأي طريقة!
حسام فضل باصص في
الأرض، حط إيده على راسه ومبقاش عارف ينطق كلمة واحدة، العرق كان بينزل من جبينه زي المطر، وبابا بص له وقال بصوت كله هيبة عرفت بقى مين اللي مصانش الغيبة ومين اللي قليل الأصول؟ بنتي اللي شالت أمك على كفوف الراحة تتباع بالشكل ده؟
رفع حسام وشه وعينيه مليانة ندم ودموع، وقرب مني وحاول يمسك إيدي وقال بصوت مخڼوق سامحيني يا فاطمة.. أنا اتعميت، أمي وأختي صورولي إنك بتدوسي على كرامتهم، مكنتش متخيل إنهم يعملوا كده ويوصلوا لكده عشان مصلحتهم!
سحبت إيدي بهدوء ورجعت خطوة لورا، وبصيت في عينيه وقولت بكل قوة اللي يرمي مراته برة بيته بكلمة تليفون من غير ما يسمعها ولا يسترها، ملوش أمان يا حسام.. كرامتي اللي اتهانت قدام الشارع كله مش هترجع باعتذار، والمفاجأة اللي انت مش عامل حسابها إن اللي انكسر بيننا عمره ما هيتصلح بالساهل!
حسام وقف مصډوم، وبابا قاله امشي دلوقتي يا حسام، وتفكيرك في اللي سمعته هو اللي هيحدد خطوتنا الجاية.. بس اعمل حسابك، بنتي مش هترجع البيت ده تاني إلا بشروط وقواعد تضمن كرامتها وحقها اللي ضاع!
خرج حسام وهو يجر أذيال الخيبة والندم، والصراع بينه وبين أهله كان لسه هيبدأ، وأنا قعدت وأنا حاسة براحة ونصر، بس كان جوايا سؤال واحد يا ترى حسام هيقدر يقف في وش أمه وأخته ويردلي اعتباري بجد، ولا حبال الظلــ,,ـــــم هتلف حوالين رقبته هو كمان ويدفع تمن سكوته؟
حكايات_مني_السيد
نزل حسام من بيت أهلي والشارع كله كان هادي، بس جواه كان بركان شغال مبيهداش.
ركب عربيته وطار بيها على بيت أمه، سرعته على الطريق كانت بتعكس الغليان اللي في قلبه، مكنش شايف قدامه غير شريط حياته معايا وإزاي كنت متحملة كل طلبات أمه ونكدهم عشان خاطره، وقصاد ده كله باعني في غمضة عين بمكالمة تليفون متفبركة وكيد حريم.
أول ما وصل العمارة، رزع باب العربية وطلع السلالم جري، بيخبط برجله كأنه بيهد البيت. فتح باب شقة أمه بمفتاحه ودخل من غير حتى ما يقول سلام عليكم.
كانت الصالة مقلوبة بريحة الأكل والشاي، وحماتي قاعدة على الكنبة بتسبح في السبحة كأنها ملاك نازل من السما، وجنبها شيماء بنتها بتشرب في فنجان قهوة ومبسوطة على الآخر، وأول ما شافوه داخل، قامت حماتي بلهفة مصطنعة وفتحت دراعاتها حبيبي يا حسام! حمد الله على سلامتك يا نور عيني.. لسه كنت بقول لأختك تلاقي حسام في الشارع بيخلص ورقة الطلاق وجاي يرتاح في حضڼ أمه!
حسام وقف في نص الصالة، وشه كان محتقن وعروق رقبته ناطة لبرة، فضل باصص لهم الاتنين بنظرات حاړقة تقطع النفس، ومردش عليها ولا حتى سلم. شيماء شافت شكله اتخضت وقالت بارتباك مالك يا حسام؟
في إيه داخل وشك مقلوب كده ليه؟ البت دي وأبوها قالولك حاجة تضايقك؟
حسام طلع تليفونه من جيبه ورزعه على السفرة برزعة خلت الكبايات تترج، وصړخ بصوت زلزل أركان البيت اسمعوا! اسمعوا فضايحكم وعمايلكم السودة اللي سودت وشي قدام الناس المحترمة!
فتح حسام التسجيل، وصوت أمه طلع في الصالة بوضوح وهي بتعايرني بأهلي وبتقولي أمك حرمتك من الأصول، وصوت شيماء وهي بتهددني بالپهدلة والتهجم، وصوت الاتفاق مع الست نورا على تأجير شقتي وطرودي منها!
حماتي وشها اصفر وبقت تفرك في إيديها وعينيها زاغت يمين وشمال، والسبحة وقعت من إيدها على الأرض، وشيماء وقفت مكانها متسمرة مش قادرة تنطق بنص كلمة. حسام قرب من أمه وقال بصوت مبحوح من القهر ده
الموسم اللي كنتي بتعايري بيه مراتي يا أمي؟ دي الأصول اللي شربتيهالنا؟ أنا اللي شقيان في الغربة وطافح الډم ليل نهار ومستحمل الغربة والپهدلة عشان أأمن مستقبلي وأعمل قرشين لمراتي وعيالي اللي لسه مجوش، تروحي إنتي وبنتك تطردوا مراتي وتبيعوا في شقتي وعفشي عشان تجاملي أخت جوز بنتك؟ هو أنا كنت شغال عندكم ولا إيه؟
حماتي حاولت تلم الموقف ولجأت لسلاحھا المعتاد، حطت إيدها على صدـ,,ـــرها وبدأت تنهج وټعيط بتمثيل رخيص آه يا قلبي.. بقى بتعلي صوتك على أمك عشان خاطر واحدة غريبة؟
هي اللي قليلة الأدب ولسانها طويل واستفزتني، والتسجيل ده متقصقص ومتركب، بنتك شيماء مكنش قصدها حاجة وحشة دي كانت خاېفة على مصلحتك!
شيماء دخلت في الكلام بسرعة عشان تسند أمها أيوا يا حسام.. دي واحدة خبيثة ومسجلالنا عشان تلوي دراعك وتفرق بينك وبين أهلك! إنت هتصدق الغريبة وتكدب دمك ولحمك؟
حسام صړخ في وش شيماء صړخة خلتها ترجع لورا وترتطم بالحيطة اخرسي! متجبيش سيرة الډم واللحم!
أنتي أكتر واحدة خربتي بيوت، عيونك دايماً باصة في عيشة غيرك، وجوزك اللي بتدافعي عنه مبيصرفش عليكي ربع اللي بصرفه، وجاية تستقوي على مراتي الغلبانة اللي كانت بتنزل تكنسلك وتمسحلك شقتك لما تكوني تعبانة؟ قسماً بالله العظيم لو شوفت وشك في الدور اللي فوق ولا سمعت صوتك مع فاطمة لتكوني محرمة عليا ليوم الدين!
بص لأمه وقال بنبرة مکسورة أنا عمري ما قصرت معاكي في قرش، وكنت باعتلك مصروفك ومصروف أختك فوق حقكم، تقوموا تعملوا فيا كده؟ تخلوني أظلــ,,ـــــم الست اللي صانتني وصانت شرفي في غيابي؟
أنا طالع شقتي، ومحدش فيكم يعتب عتبة بابي، والست نورا دي لو قربت من البيت هبلغ عنها الشرطة!
سابهم ونزلوا في بعض باللوم والخناق، وطلع شقته.. أول ما فتح الباب، لقى البيت ضلمة وكئيب، ريحة الفراق والظلــ,,ـــــم مالية المكان، هدومي مش موجودة، الدولاب نصه فاضي، والصالة اللي كانت دايماً بتبرق ونضيفة بقى عليها تراب خفيف من قفلتها. حسام قعد على الكنبة وډفن وشه بين كفوفه، وبدأ يفتكر كل لحظة حلوة بيننا، وكل مرة كان يتصل في التليفون ويلاقيني بدعيله وبصبره على غربته، وإزاي رد الجميل ده كله بطردة في الشارع.
في نفس الوقت، كنت أنا قاعدة في أوضتي في بيت بابا، بابا وماما كانوا قاعدين جنبي وبيطمنوني، بابا قالي يا فاطمة يا بنتي، إحنا مش بتوع خړاب بيوت، بس كمان مش بتوع إهانة.. حسام لو شاري وعايزك، هيثبت ده بأفعال مش بكلام معسول.. الراجل بيبان في المواقف الصعبة مش في الرخاء.
عدى يومين، وحسام كان بيحاول يتصل بيا ليل نهار، رسايل اعتذار وندم ورجاء على الواتساب مكنتش بتنتهي، بس أنا كنت قافلة قلبي ومصممة مرجعش غير لما كرامتي تترد قدام كل اللي سمعوا بالمهزلة دي.
في اليوم التالت بعد المغرب، جرس الباب رن، بابا فتح ولقى وفد كبير واقف برة.. كان حسام، ومعاه خاله الكبير الحاج رشاد، وراجلين من كبارات العيلة ومعاهم مأذون المنطقة وناس ليهم هيبة. خاله دخل وسلم على بابا وقال بحكمة إحنا جايين لبيت الأصول، ومش خارجين إلا وحق بنتكم واصل لحد عندها، وعارفين إن ابننا غلط وغلطته متتغفرش بالساهل، بس إحنا جايين نصلح وندفع تمن الغلط ده كرامة واعتبار.
قعدوا كلهم في الصالة، وبابا نده عليا ودخلت وقعدت جنب بابا وأنا رافعة راسي ولابسة عبايتي وشكلي هادي وواثق. حسام أول ما شافني عينيه لمعت بالرجاء، بس كان وشه في الأرض
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
